客家民謠－懷喜歌/病子歌 由楊兆禎演唱 歌詞： （女）正月裡來新年時，娘今病子冇人知； （男）阿伯問娘食麼介？（女）想食豬腸炒薑絲。 （女）二月裡來係春分，娘子病子頭昏昏； （男）阿伯問娘食麼介？（女）想食果子煎鴨春。 （女）三月裡來三月三，娘今病子正難堪； （男）阿伯問娘食麼介？（女）想食酸澀虎頭柑。 （女）四月裡來日頭長，娘今病子心茫茫； （男）阿伯問娘食麼介？（女）想食楊梅鳳梨干。 （女）五月裡來係端陽，娘今病子面皮黃； （男）阿伯問娘食麼介？（女）想食粽子混白糖。 （女）六月裡來熱難當，娘今病子苦難當； （男）阿伯問娘食麼介？（女）想食仙草泡冰糖。 （女）七月裡來係立秋，娘今病子真冇修； （男）阿伯問娘食麼介？（女）想食竹筍煲鰗鰍。 （女）八月裡來月團圓，娘今病子真可憐； （男）阿伯問娘食麼介？（女）想食月鴿剁肉圓。 （女）九月裡來係重陽，娘今病子飫斷腸； （男）阿伯問娘食麼介？（女）想食豬肝炒粉腸。 （女）十月裡來係立冬，娘今生子肚空空； （男）阿伯問娘食麼介？（女）想食麻油炒雞公。